Queixumes dos pinos y poesías inéditas de Eduardo Pondal

Segunda edición da obra de Eduardo Pondal, preparada pola Real Academia Galega co gallo do centenario do seu nacemento.

O poemario fora editado en 1886, e esta nova edición incorpora un apartado titulado “Poesías inéditas”, que reúne trinta e sete poemas pertencentes ao legado que o poeta deixou na Academia. Entre estes poemas inéditos figura “Os Pinos”, que xa se viña cantando na versión musicada por Pascual Veiga, e que de feito aparece sinalado como “Himno galego”.

Abre o volume o bosquexo biográfico que Murguía recolleu na súa obra Los precursores (1886) e como ramo inclúe un traballo de Manuel Lugrís Freire.