A poesía medieval galega vista desde os relanzos derradeiros do século XX

Discurso lido no acto da súa recepción pública polo ilustrísimo señor don Xosé Luís Méndez Ferrín e resposta do excelentísimo señor don Ramón Lorenzo Vázquez.

O solemne acto académico celebrouse o 30 de setembro de 2000 no Salón de Actos da Real Academia Galega. O escritor e catedrático trata a lírica medieval, tema que xa tocara en 1966 ao preparar o volume O cancioneiro de Pero Meogo, cunha perspectiva contemporánea, analizando cuestións lingüísticas, estilísticas e mesmo as circunstancias xeopolíticas da Europa do momento.