Cadernos de Lingua. Anexos

A colección Anexos de Cadernos de lingua é unha iniciativa que se puxo en marcha no ano 1993 coa finalidade de lle dar cabida a unha serie de monografías que cadraban plenamente polo tema dentro do ámbito de que se ocupa Cadernos, pero que pola súa extensión superaban os límites establecidos para os artigos da revista. Nesta colección acóllense principalmente traballos lexicográficos (no que destacan unha ampla serie dedicada á recuperación de vocabularios históricos), pero tamén sociolingüísticos e referidos a outros aspectos da lingua galega tanto cun enfoque sincrónico coma diacrónico.