Traducción de algunas voces, frases y locuciones gallegas, especialmente de agricultura, al castellano (1840-1858)

O texto que aquí publicamos atópase no Arquivo Histórico Nacional (Códice 1051 B). Debemos o seu coñecemento a D. Ramón Villares, catedrático de Historia Contemporánea da Universidade de Santiago de Compostela. É apenas un esbozo de dicionario galego que leva o título de Traducción de algunas voces, frases y locuciones gallegas, especialmente de agricultura, al castellano. Está constituído por un conxunto informe de folios sen numeración ningunha e de fichas ou papeletas de moi diferentes tamaños. Despois seguen uns “Refranes y Apotegmas Gallegos” que comezan en folios con boa e repousada letra case sen borróns e terminan tamén en desordenados apuntamentos e fichas, como ocorre no texto que o precede.

Segundo Villares e Pensado, o autor da colección sería o pontevedrés Eugenio Reguera y Pardiñas. Desenvolveu este bosquexo de dicionario cara a 1840 no Pumariño, e seguiu traballando nel 1858.