Cantares e romances vellos prosificados

Discurso lido no acto da súa recepción polo ilustrísimo señor don Xosé María Álvarez Blázquez e resposta do excelentísimo señor don Fermín Bouza Brey.

O solemne acto académico celebrouse o 28 de novembro de 1964 no salón de sesións da Real Academia Galega, no pazo do Concello da Coruña.

Na súa alocución o arqueólogo e editor, ademais de autor de poesía neotrobadoresca, tratou do proceso que levou a que diversos cantares e romances, de diferentes xéneros, pasasen do verso á prosa.