Escolma de traballos

Viqueira, formado no estudo nas universidades alemás e francesas, grande admirador da filosofía alemá, tiña unha visión universal da cultura e dentro dela do papel que lle correspondía a Galicia como creadora de formas particulares da cultura universal. Cría Viqueira que os pobos, e para el o galego era un pobo con propia personalidade, só crean formas universais de cultura cando expresan a verdadeira autenticidade da súa alma; e isto só poden facelo na súa lingua.

A súa idea da lingua galega era a dun filósofo e a dun poeta: como filósofo cría que a lingua vernácula era a mellor para expresar os misterios da alma galega, onde está a luz que lles trouxo Prometeo aos homes para facer deles semideuses; como poeta coidaba que esa lingua era a única capaz de expresar a fina sensibilidade artística galega.

Escolma de textos e introdución biográfica de Xoán Vicente Viqueira realizadas por Emilio González López co gallo do Día das Letras Galegas de 1974.

Contido

• Prólogo
• Xoán Vicente Viqueira (dados biográficos)
• A nosa lingua
• Divagaciós engebristas
• O galego na escola
• Nosos problemas educativos
• Da renascencia lingüística
• O meu lar
• Longe
• O meu castelo
• Malenconía
• Chegóu o outono