Cadaquén fala coma quen é. Reflexións verbo da fraseoloxía enxebre

Discurso lido no acto da súa recepción polo ilustrísimo señor don Xesús Ferro Ruibal e resposta do excelentísimo señor don Carlos Casares Mouriño.

O solemne acto académico celebrouse o 4 de maio de 1996 no Salón de Actos da Real Academia Galega.

Na súa conferencia, o lingüista de Moraña referiuse á lingua como espello do pobo, con mención ao discurso de ingreso na RAG de Rafael Dieste, A vontade de estilo na fala popular (1970), para rematar centrándose no seu campo de estudo máis prolífico, a fraseoloxía.