Vocabulario ortográfico da lingua galega (VOLGa)

Despois de catorce anos de exposición pública, de estudo e de revisión, coidamos que chegou o momento de poñer o VOLGa ao dispor de todo o público. Esperamos e desexamos que sexa unha base sólida para o establecemento do léxico estándar do galego, ben entendido que nesta obra non está todo o léxico da nosa lingua: todas as palabras que están forman parte do galego, pero non todo o seu léxico está nesta obra. Unha das finalidades do Vocabulario ortográfico é precisamente a de poñer orde na profusión de variantes dialectais e ofrecer unha escolla que sirva para o establecemento desa koiné que é o modelo estándar dunha lingua.