Catálogo da biblioteca de Emilia Pardo Bazán

Investigar sobre a vida e obra de calquera escritor, supón con frecuencia o manexo de fontes documentais e bibliográficas. Non sempre é posible contar con instrumentos que nos acheguen a estas fontes, como son as bibliografías e os catálogos. Hoxe temos a inmensa satisfacción de presentar a publicación do catálogo da biblioteca persoal dunha das máis relevantes escritoras en lingua castelá, a coruñesa dona Emilia Pardo Bazán. Este importante conxunto, formado por preto de oito mil volumes, forma parte dos fondos da Real Academia Galega desde o ano 1978.

Este catálogo contribuirá a facer máis accesible aos investigadores un fondo que axudará a comprender mellor a traxectoria vital e literaria desta gran muller que traspasou as nosas fronteiras.