Contribucións norteamericás á historia da cultura medieval galega

Discurso lido no acto da súa recepción polo ilustrísimo señor don Ramón Martínez López e resposta do excelentísimo señor don Isidoro Millán González-Pardo.

O solemne acto académico celebrouse o 22 de xaneiro de 1976 no Paraninfo da Universidade de Santiago de Compostela. O filólogo de Boiro, que chegara exiliado en 1939 a Buenos Aires e que desde 1940 ata a súa xubilación traballou nos Estados Unidos, investigou a literatura medieval galega, campo sobre o que tratou a súa alocución.