Mulleres na literatura: II Encontro Cidade da Coruña

Esta obra recolle un feixe de conferencias maxistrais que tiveron lugar na primavera do ano 2009, dentro do ciclo II Encontros Cidade da Coruña, arroupado co título “A muller e a literatura” e celebrado no salón de actos da Real Academia Galega, coa colaboración da Concellería de Cultura do Concello da Coruña. Na cidade que tanto ten vencellado a súa historia á escrita literaria e á creación de institucións defensoras dela e do noso idioma, catro escritoras galegas achegáronnos a tan necesaria interpretación do Nós, das galegas e galegos, desde o seu Eu en feminino.

Índice:

• Por min e polas miñas compañeiras. Visibilidades e invisibilidades das escritoras en Galicia
  María Reimóndez
• A literatura que sobe da rúa
  Elena Poniatowska
• Transgresoras: do tabú á corrección política
  Marilar Aleixandre
• As mulleres e a literatura. De onte a hoxe
  Teresa Moure