Vocabulario multilingüe de acuicultura: galego, español, inglés, francés, portugués

Galicia ocupa un lugar pioneiro na investigación e no desenvolvemento da acuicultura, de aí a oportunidade e a utilidade deste Vocabulario de acuicultura, que vai constituír un instrumento importante, dado o seu carácter plurilingüe, para facilitar a comunicación científica, técnica e comercial con outros países nas actividades que teñan que ver co cultivo de especies acuáticas.

Esta obra está concibida como un texto de referencia terminolóxica para biólogos e técnicos en acuicultura, pero tamén para administradores, economistas e lexisladores. Cada termo preséntase en galego, español, inglés, francés e portugués, tendo un índice alfabético que permite unha busca rápida no texto. Cando se trata de organismos acuáticos inclúese tamén a denominación científica da especie.