Noriega entre os poetas do seu tempo

Discurso lido no acto da súa recepción polo ilustrísimo señor don José Trapero Pardo e resposta do excelentísimo señor don Álvaro Cunqueiro Mora.

O solemne acto académico celebrouse o 5 de xuño de 1971 no Círculo das Artes de Lugo. Na súa conferencia o xornalista chairego analizou a obra poética de Antonio Noriega Varela, así como o seu emprego da lingua galega.

A presente edición elaborouse a partir dos mecanoscritos orixinais custodiados no Arquivo da Real Academia Galega.