Ideas literarias del Padre Feijóo

Discurso de recepción do ilustrísimo señor don Samuel Eiján Lorenzo. O sacerdote ourensán analizou na súa conferencia a formación literaria do Padre Feijóo a través da lectura dos seus propios escritos. 

O 27 de xullo de 1941 tivo lugar no Paraninfo da Universidade de Santiago a cerimonia de ingreso de dezanove académicos de número. No acto só se deu lectura ao discurso La mitología del agua en noroeste hispánico, que pronunciou Fermín Bouza-Brey en nome de todos os recipiendarios e a quen contestou en nome da Institución o presidente, Manuel Casás. Samuel Eiján formaba parte deste grupo de académicos.

Con posterioridade, o discurso que agora presentamos, o mesmo que Samuel Eiján preparou para o seu ingreso, apareceu publicado de forma parcial no Boletín da Real Academia Galega. O fragmento inédito recuperouse do mecanoscrito orixinal, custodiado no Arquivo da Real Academia Galega.