Voces termando da paisaxe galega

Discurso lido no acto da súa recepción pola ilustrísima señora dona Marilar Aleixandre e resposta da excelentísima señora dona Fina Casalderrey. O solemne acto académico no que foron lidos os dous discursos recolleitos no presente volume celebrouse o 14 de xaneiro de 2017 no Paraninfo da Universidade de Santiago de Compostela.

A  nova académica reivindicou no seu discurso a necesidade de termar da paisaxe galega, a través dun percorrido pola lingua e a toponimia e polos versos e textos de escritores e escritoras galegas que defenderon o patrimonio natural e criticaron a súa desaparición, e facendo especial fincapé no papel das mulleres na creación literaria e no valor do feminismo, que cuestiona a idelización da paisaxe.