[Sobre a matemática]

Discurso de ingreso como académico de número do ilustrísimo señor don Juan Jacobo Durán Loriga e resposta do excelentísimo señor don Benito Fernández Alonso. Juan Jacobo Durán Loriga foi escollido académico de número o 4 de xullo de 1910. A pesar de ter depositado o seu discurso de ingreso na Real Academia Galega, faleceu o 3 de decembro de 1911, sen tomar posesión da súa praza.

Na súa conferencia o científico coruñés presentou a coñecida como “curva de Durán Loriga”, unha curva cuártica de clase doce xurdida a partir dunha cuestión doméstica, que chamou a atención de diversos autores europeos.

A presente edición elaborouse a partir dos manuscritos orixinais custodiados no arquivo da Real Academia Galega.