Rosalía de Castro na Real Academia Galega

Non se pode facer a historia do rosalianismo sen termos en conta, moi en conta, certos discursos de ingreso na Real Academia Galega. Uns céntranse na vida ou na obra de Rosalía e outros fan incursións nalgunha das súas facetas. Tres, polo menos, son capítulos fundamentais da crítica rosaliana: o de Otero Pedrayo (1929), modelo de interpretación conmovedora; o de Carballo Calero (1958), modelo de erudición esclarecedora, e o de Luz Pozo Garza (1996), un singular ensaio poético no que a autora se nos revela como unha gran rosalióloga, mellor aínda, como alguén que escribe sobre a vida e a poesía de Rosalía de Castro desde o seu mesmo "logos".

Nesta ocasión limitámonos a ofrecer páxinas dos discursos de nove académicos lidos, de 1907 a 1996, nas correspondentes sesións de ingreso. Deste xeito, a Fundación Rosalía de Castro homenaxea á Real Academia Galega no ano do seu centenario.

Índice

• Rosalía na Academia
  Xesús Alonso Montero
• El renacimiento en la poesía regional (1907)
  José Antonio Parga Sanjurjo
• A saudade nos poetas galegos (1920)
  Ramón Cabanillas
• Romanticismo, saudade, sentimento da raza e da terra en Pastor Díaz, Rosalía de Castro e Pondal (1929)
  Ramón Otero Pedrayo
• Rosalía de Castro, precursora da Fala (1948)
  Victoriano Taibo
• El sentimiento Iírico materno en la pintura de Ovidio Murguía (1951)
  José Luís Bugallal Marchesi
• Contribución ao estudo das fontes literarias de Rosalía (1958)
  Ricardo Carballo Calero
• Nova aproximación a unha filosofía da saudade (1980)
  Andrés Torres Queiruga
• Diálogos con Rosalía (1996)
  Luz Pozo Garza
• Resposta ó discurso de Luz Pozo Garza (1996)
  Xesús Alonso Montero
• Esa luz envolvente e misteriosa
  Helena Villar Janeiro