Conmemoración do primeiro discurso político en galego: pronunciado por Manuel Lugrís Freire en Betanzos o 6 de outubro de 1907

No mitin de Betanzos de outubro de 1907, o discurso de Manuel Lugrís Freire representou un paso importantísimo de cara á normalización da nosa lingua e da nosa cultura. A Real Academia Galega, no ano do seu centenario, quixo lembrar este acto porque un dos seus fundadores e futuro Presidente foi quen de engrandecer Galicia coa forza da súa palabra.