Homenaxe aos Mártires de Carral

O 26 de abril de 1846, logo dun sumarísimo e irregular xuízo, foron fusilados en Carral o Comandante D. Miguel Solís e once oficiais. Concluía así o levantamento iniciado o 2 de abril na cidade de Lugo. Cando xa foron varridos, como po da historia, os nomes dos executores, nós seguimos a honrar a memoria daqueles que constituíron a primeira xeración galeguista e a vivir da semente da galeguidade que nos deixaron.