Vals brillante; Improvisación; Elegía; Andantino con variaciones (para piano)

As composicións que na presente edición ven a luz corresponden ao fondo de obras de Marcial del Adalid que a Real Academia Galega posúe por doazón xenerosa da filla do insigne músico coruñés, dona María del Adalid Garrido.

Esta publicación permite dar a coñecer a vida e a obra pianística do compositor coruñés. A selección, adaptación e revisión das obras foi realizada polo musicólogo ourensán Antonio Iglesias Álvarez, quen realizou tamén unha análise das mesmas. Ademais, o volume inclúe un comentario biográfico feito por Rodrigo de Santiago, e unha nota introdutoria do presidente da Academia, Sebastián Martínez-Risco.