Emilia Pardo Bazán, xornalismo e Marineda

Este libriño tenta reunir unha mostra digna dos textos en prensa de Pardo Bazán que se refiren á Coruña e aos que resulta indispensable acudir se queremos achegarnos á realidade urbanística e sociolóxica da cidade naqueles tempos. Recompílanse 34 artigos publicados na prensa galega e na doutros lugares de España e mais de América; a maior parte deles non reeditados ata o momento.

Entre os temas abordados nesta escolma, Emilia Pardo Bazán escribe sobre o casamento de Marcela e Elisa en 1901, sobre o xeito de celebrar o Entroido na Coruña ou sobre as primeiras colonias escolares mixtas, organizadas na Coruña co impulso da escritora.

O libro complétase con imaxes dos arquivos da Real Academia Galega, Cántigas da Terra e Municipal da Coruña, entre outros.