Antón Losada Diéguez

Esta obra recolle unha introdución biográfica e unha escolma de textos de Antón Losada Diéguez realizadas por Xosé Filgueira Valverde co gallo do Día das Letras Galegas de 1985.

A Real Academia Galega conmemorou nese ano o nome dun dos persoeiros da xeración Nós. O ano anterior, en 1984, celebrárase o centenario do nacemento de quen fora elixido membro correspondente da Academia en 1928, que non chegou a ser membro de número ao finar un ano despois, cando se postulara o seu nome para a cadeira vacante do poeta Barcia Caballero.