As Ferreñas (en vivo e en directo)

Este texto é teatro, pero tamén é radio, e poesía, e moitas outras cousas. Neste lugar, neste momento, todo é posible porque se volve teatro, e só no teatro podemos conversar con Adolfina, Rosa, Eva, Prudencia, Asunción, Manuela e Teresa.

As Ferreñas, o grupo de mociñas que lle dá nome á obra, invocan as sete Cantareiras das Letras para a través de coplas, piques e réplicas áxiles e divertidas reivindicar as voces de tantas mulleres que ao longo dos séculos foron as principais creadoras e transmisoras das cantigas, e con estes versos seguen dándolle vida á nosa poesía popular.