Nomenclátor de Galicia 2026

Revisión, actualización e novos ditames na toponimia oficial aprobados polo plenario da Real Academia Galega en sesión ordinaria celebrada o 20 de xuño de 2025.

Para facer este traballo partiuse da base de datos do Nomenclátor de Galicia de 2003 e cruzouse coa do Instituto Nacional de Estatística de 2012. O novo Nomenclátor 2026 conta cun total de 42.212 topónimos. Este é un traballo aberto e inacabado, pois xa temos constancia da necesidade de novas incorporacións. O obxectivo do Seminario de Onomástica da RAG é poder ofrecer anual ou bianualmente unha nova versión máis completa, corrixida e actualizada. A que agora se entrega está un paso máis cerca da edición definitiva desta complexa e laboriosa obra.