Cantigueiro popular

Autor dun dicionario galego-castelán, de numerosas composicións poéticas de xénea costumista e da primeira novela escrita en galego, Valladares estivo tamén atento á cultura do pobo facendo recollida de refráns, adaxios, adiviñas e cántigas de expresión popular, apañándoas amorosamente na súa bisbarra da Ulla, unha das máis fermosas e farturentas da nosa Terra.

Así, a edición do presente cancioneiro foi tirada dunha obra manuscrita polo propio autor con ordenada, elegante e clara caligrafía de nidio feitío decimonónico. Titulouno Cantigueiro popular e datouno no ano de 1867. Componse de dúas partes, precedidas dun pequeno prólogo xustificativo e, ao final, vai seguido dunha manchea de traballos. A primeira parte encétase coas Cántigas da Ulla, texto este que, cabalmente, sae hoxe da xerfa do inédito.

Edición realizada co gallo do Día das Letras Galegas de 1970.

Contido

• Notas bio-bibliográficas
• Marcial Valladares Núñez
  Ricardo Carballo Calero
• Cantigueiro popular
  • Explicación previa
  • Facsímil do prólogo
  • Primeira parte
    • Epítome
    • Cántigas da Ulla
• Achegos pra a bibliografía de Marcial Valladares como etnógrafo
  F. Bouza Brey