Discursos leídos ante la Real Academia Gallega en la recepción pública del señor D. Manuel Díez Sanjurjo

Discurso lido polo ilustrísimo señor don Manuel Díez Sanjurjo no acto da súa recepción como membro numerario da Academia, e resposta do excelentísimo señor don Francisco Tettamancy.

O solemne acto académico celebrouse o 20 de xuño de 1908 no Salón de actos do Concello de Ourense.

No discurso, titulado “Epílogo de la historia del fuero de Allariz”, o enxeñeiro e arqueólogo analiza o foro dado á vila de Allariz, que estudaba o seu amigo Arturo Vázquez Núñez. O volume inclúe unha imaxe deste documento. A disertación do novo académico remata cun poema de Salvador Golpe. Pola súa banda, a resposta de Francisco Tettamancy versa sobre a historia dos foros municipais galegos e a sociedade medieval.