A xeración do 16

Discurso lido no acto da súa recepción polo ilustrísimo señor don Ramón Villar Ponte e resposta do excelentísimo señor don Ramón Cabanillas.

O solemne acto académico celebrouse o 16 de xuño de 1951 na sede da Real Academia Galega, no Pazo municipal da Coruña. O autor de Viveiro, promotor das Irmandades da Fala, refírese á xeración do 16 para se referir ao conxunto de activistas políticos e culturais desa etapa, incluíndo tamén os que anos despois Carballo Calero deu en chamar Grupo Nós e mais os membros do Seminario de Estudos Galegos.