O sentimento liberal na Galiza

Discurso lido no acto da súa recepción polo ilustrísimo señor don Antón Villar Ponte e resposta do excelentísimo señor don Ramón Otero Pedrayo.

O solemne acto académico celebrouse o 20 de xullo de 1934 no Salón de Actos do Pazo municipal da Coruña. Na súa alocución, Antón Villar Ponte fai un percorrido pola historia de Galicia para deterse na pegada que no século XIX tivo a ideoloxía liberal nos movementos sociais e culturais do país.

Este volume foi publicado en 1977, ano en que se dedicou a Antón Villar Ponte o Día das Letras Galegas. Vai acompañado dun limiar de Sebastián Martínez-Risco, que inclúe o poema que Aquilino Iglesia Alvariño dedicara ao autor de Viveiro.