Diccionario gallego-castellano

Dicionario bilingüe galego - castelán de 12.463 voces, publicado entre 1913 e 1928 en 26 fascículos de 16 páxinas cada un. Obra incompleta, que remata na palabra cativo.

Foi elaborado polo historiador César Vaamonde Lores, que en 1907 fora nomeado arquiveiro-bibliotecario da Real Academia Galega. O dicionario recolle tanto formas usadas de forma tradicional como neoloxismos. Inclúe exemplos tomados de obras lexicográficas de Sarmiento ou do Padre Sobreira, así como versos de obras medievais e contemporáneas.