Lingua inicial e competencia lingüística en Galicia: Compendio do I volume do Mapa Sociolingüístico de Galicia

A presente publicación é un compendio do primeiro volume do Mapa Sociolingüístico de Galicia (MSG). Con ela preténdese difundir os resultados máis significativos do citado volume sen afán de substituílo, senón de facilitar o acceso aos datos alí recollidos.

O estudo tenta ofrecer unha visión actual e rigorosa de dous elementos nucleares da configuración sociolingüística da nosa comunidade: a lingua inicial e a competencia lingüística en galego.

Ten a súa continuación no volume II, Usos lingüísticos en Galicia, e no volume III, Actitudes lingüísticas en Galicia.