Oralidades: reflexións sobre a lingua falada no século XXI

Discurso lido no acto da súa recepción polo ilustrísimo señor don Xosé Luís Regueira Fernández e resposta do excelentísimo señor don Manuel González González.

O solemne acto académico celebrouse o 2 de xuño de 2012 no Salón de Actos da Real Academia Galega. Na súa alocución Regueira, coordinador do Dicionario de pronuncia da lingua galega, falou da importancia da lingua oral á hora de configurar a identidade social e individual, así como da vixencia da cultura oral nas expresións artísticas contemporáneas e da necesidade dun estándar oral para o galego.